Nu vaso d’ammore

[G. Marino - G. Di Costanzo - A. Di Costanzo]

‘Ncoppe a la muntagnella

ce stevano tre fratielli

Aitaniello era ‘u cchiù bello

se ne jeva a pescar

Aitaniello era ‘u cchiu bello

se ne jeva a pescar

Se preparava a sera

‘mpunto mezzanotte ,

pigliava guzzo e rezza

se ne jeva a pescar

pigliava guzzo e rezza

se ne jeva a pescar

Quanno era mieziuorno

cu le ccofane lignute

cu le contadine dell’ isola

se ne jeva a cuntrattà’

cu le contadine dell’ isola

se ne jeva a cuntrattà’

‘Ncoppe a la muntagnella

ce stevano tre sorelle

Palmarosa era ‘a cchiù bella

se ne jeva a zappar

Palmarosa era ‘a cchiù bella

se ne jeva a zappar

S’aizava tutt’ ‘e juorni

‘e cinque d’ ‘a matina

e a tutti gli animali

aveva da’ a magnar

e a tutti gli animali

aveva da’ a magnar

Quann’ era mieziuorno

pigliava frutta e vino

cu li piscatur dell’ isola

se ne jeva a cuntrattà’

cu li piscatur dell’ isola

se ne jeva a cuntrattà’

Aitaniello mio

che cosa m’ê purtato?

Tengo castagne e vino

già pront’ pe’ tê ddà

tengo castagne e vino

già pront’ pe’ tê ddà

Nun voglio lu vino

e manche le castagne

voglio nu vaso d’ ammore

si tu me lo vuo’ da’

voglio nu vaso d’ ammore

si tu me lo vuo’ da’

Tu dammi ‘u capitone

ca te do nu bellu vaso

nu vaso d’ ammore

pecchè te ffa sugnà’

nu vaso d’ ammore

pecchè te ffa sugnà’