‘A Dispietto

[G. Marino - G. Di Costanzo - A. Di Costanzo]

Ammore ammore che m’ ê fatto fare

a quindici anni m’ê fatto ‘mpazzire

lu Paternoste m’ê fatto scurdare

la quinta parte dell’ Avemmaria

A sera passaje e mammeta te vatteva

nun te putiette nu poco aiutà

si t’aiutavo e mammeta che diceva

- Chesta m’è figlia e la voglio ‘mpara’-

Ammore ammore che m’ ê fatto fare

a quindici anni m’ê fatto ‘mpazzire

lu Paternoste m’ê fatto scurdare

la quinta parte dell’ Avemmaria

Io t’aggio amata quanto ‘na miscella

mò che si fatta ‘na Diana stella

mò che si fatta ‘na Diana stella

mammeta, cana, nun me te vo’ ra’.

Ammore ammore che m’ ê fatto fare

a quindici anni m’ê fatto ‘mpazzire

lu Paternoste m’ê fatto scurdare

la quinta parte dell’ Avemmaria

‘I quante me ne fa chesta ccè ‘bbascio

vo’ marita’ la figlia e tène pressa

va ricenno che tène chine ‘e ccasce

rinto ‘nge tène caccavelle ‘e Sessa.

Ammore ammore che m’ ê fatto fare

a quindici anni m’ê fatto ‘mpazzire

lu Paternoste m’ê fatto scurdare

la quinta parte dell’ Avemmaria

Quando nasciste cu’ la rosa mmano

t’aggio crisciuta ‘nfra li giesummine

dimme ‘na vota si ca me vuo’ bbene

tu vire che nun pozzo proprio cchiù

Vurria vula’ ‘ncielo si putesse

cu ‘na scalella de triciento passe

quanno fosse alla cima se rumpesse

‘mpietto a la nenna mia me ne vulasse.

Ammore ammore, che m’ ê fatto fare

a quindici anni m’ê fatto ‘mpazzire

lu Paternoste m’ê fatto scurdare

la quinta parte dell’ Avemmaria

Î quant’è bello ll’ammore ‘a vicino

si nun la viri la sienti che canta

la sienti quanno chiamma le ghialline

-Viene nennella mia vieni a mangiare-

Ammore ammore che m’ ê fatto fare

a quindici anni m’ê fatto ‘mpazzire

lu Paternoste m’ê fatto scurdare

la quinta parte dell’ Avemmaria